Veciñanza: Diferenzas entre revisións

Veciñanza é unha candidatura municipalista xurdida en [[Cuntis]] a comezos do ano 2015 coa vontade de concorrer ás eleccións locais que se celebraron o 24 de maio dese mesmo ano. [http://www.veciñanza.gal/municipais-2015/a-candidatura/ Formada por persoas] procedentes dos ámbitos do asociacionismo cultural e deportivo, do activismo local e do sindicalismo, [[Eleccións municipais en Cuntis|obtivo un total de 672 votos (22,36%)]]. Este apoio traduciuse nun grupo municipal formado por Santi Martínez e Saleta Fernández, que [https://www.farodevigo.es/portada-pontevedra/2015/04/22/vecinanza-cuntis-presenta-candidatura/1225280.html encabezaban a candidatura]. Malia apoiar a investidura do Alcalde socialista [[Manuel Campos Velay|Manuel Campos]], Veciñanza non formou parte do Goberno e desenvolveu a súa tarefa política dende a oposición da Corporación Municipal de Cuntis. [http://www.veciñanza.gal/ Veciñanza] participou nalgunhas das tentativas de artellamento das chamadas [[Mareas cidadás|mareas municipalistas]] que durante os meses posteriores se deron en [[Galicia]], pero sen acordar ningunha relación orgánica con outras formacións políticas. A acción política de Veciñanza apóiase en dous eixos en permanente contacto: a acción institucional e a presenza social.

[[Categoría:Cuntis]]

__INDEXAR__