España: Diferenzas entre revisións

O turismo é un dos principais motores da economía española. No ano [[2017]], España foi o segundo país do mundo en afluencia de turistas estranxeiros, segundo datos da [[Organización Mundial do Turismo]], por detrás de [[Francia]] e pasando a [[Estados Unidos]], o que supón o quinto ano consecutivo con récord de turistas. En total recibiu 82 millóns de turistas, case un 9 % máis que o ano [[2016]]. Desde [[2012]], España conseguiu un aumento de 30 millóns de turistas.

 

Entre as comunidades autónomas, [[Cataluña]] foi a comunidade que máis turistas recibiu con 18,2 millóns. A esta séguenlle as [[Illas Baleares]] con 13,7 millóns, as [[Illas Canarias]] con case 13 minllones e [[Andalucía]] con 11 millóns. A [[Comunidade Valenciana]] e a [[Comunidade de Madrid]] recibiron 8,5 e 6,2 millóns de turistas respectivamente, mentres que as comunidades autónomas do [[País Vasco]], [[Castela e León]] e [[Galicia]] aproximáronse aos 1,5 millóns. As rexións menos turísticas foron as cidades autónomas de [[Ceuta]] e [[Melilla]] e [[A Rioxa]], sendo, ademais, as únicas que perderon turistas con respecto ao ano anterior.