Antonio Blanco Freijeiro: Diferenzas entre revisións

Fillo de [[Antonio Blanco Porto]]. Estudou Filosofía e Letras na [[Universidade de Santiago de Compostela]] e despois en Madrid, onde tamén se licenciou en Filoloxía Clásica. Especializouse en Arqueoloxía Clásica con [[Antonio García Bellido]], e completou a súa formación nas universidades de Oxford e Heidelberg. Traballou no [[Consello Superior de Investigacións Científicas]] (CSIC) e foi catedrático de Arqueoloxía, Epigrafía e Numismática na Universidade de Sevilla e de Arqueoloxía na [[Universidade Complutense de Madrid]]. Dirixiu as escavacións de Ceal e La Guardia (Xaén). Colaborou na prensa especializada e en ''[[Cuadernos de Estudios Gallegos]]''. Foi membro da [[Real Academia de la Historia]] e da [[Real Academia de Belas Artes de San Fernando|de Bellas Artes de San Fernando]]. En [[1983]] obtivo o Premio Nacional Fray Luis de León de Lenguas Germánicas pola súa tradución de ''Historia de la Edad de Piedra'' (1982), de H. Müller-Karpe.