Écdise: Diferenzas entre revisións

 

== Proceso ==

Para prepararse para a écdise, os artrópodos quedan inactivos durante un período de tempo, sofren [[apólise]] ou separación do velloo exoesqueleto das células epidérmicas subxacentes. Para a maioría dos organismos, o período de repouso é un estado de preparación durante o cal ten lugar a [[secreción]] de fluídos das glándulas da muda das capas epidérmicas e o afrouxamento das partes internas da cutícula.

Unha vez que a vella cutícula se separou da epiderme, segrégase un fluído dixestor no espazo que hai entre elas. Porén, este fluído permanece inactivo ata que se formaron as partes superiores da nova cutícula. Entón, por medio de movementos de arrastre, o organismo empuxa cara a fóra a vella cuberta tegumentaria, que se se abre por detrás permitindo que o animal emerxa. Con frecuencia, esta rotura inicial é causada por unha combinación de movementos e un incemento da presión sanguínea (da linfa) dentro do corpo, forzando unha expansión no seu [[exoesqueleto]], o que produce unha maior rotura que permite que certos organismos, como as [[araña]]s se liberen e saian da cuberta vella.