Como o resto de [[:Categoría:Partidos comunistas|partidos comunistas]] os seus órganos dirixentes eran o Congreso, o Comité Central e o [[Politbüro]].
Trala caída do Muro de Berlín o [[9 de novembro]] de [[1989]], o SED refundouse no [[Die Linke|Partido do Socialismo Democrático]] (en [[Lingua alemá|alemán]]: ''Partei deasdes Demokratischen Sozialismus'', PDS), que actualmente ostenta un 25% dos votos de media nos Estados de Alemaña oriental baixo a denominación ''die Linke'' (do [[Lingua alemá|alemán]]: ''A esquerda''). Así, as estruturas de poder da RDA fóronse diluíndo e como consecuencia desta situación celebráronse as últimas eleccións da historia da RDA o [[18 de marzo]] de [[1990]], resultando vencedores os [[Unión Demócrata Cristiá de Alemaña|democristiáns]] co 41,8% dos votos e 192 escanos. Os [[Partido Socialdemócrata de Alemaña|socialdemócratas]] (SPD) obtiveron 88 escanos, O SED 66 e a [[Bündnis 90 / Die Grünen|Alianza 90]], 12. Formouse un goberno non socialista cuxa única tarefa foi conseguir a integración na [[República Federal de Alemaña]] en [[outubro]] de [[1990]] e por tanto, a disolución da República Democrática Alemá.
