Remordemento: Diferenzas entre revisións

O '''remordemento''' ou remorso é unha expresión emocional de [[arrepentimento]] persoal sentida por unha persoa despois de que teña cometido un acto que considera [[vergonza|vergonzoso]], doloroso ou violento. O remordemento é un aliado da [[culpa]] e do resentimento autodirixido. Cando unha persoa lamenta unha acción ou inacción anterior, pode ser por remordemento ou en resposta a varias das outras consecuencias, incluíndo un castigo polo acto ou omisión. Nun contexto xurídico, o remordemento percibido dun delincuente é avaliado polos sistemas de xustiza occidental durante a vista, sentenza, audiencia e na xustiza restaurativa. Non obstante, sinalouse que os problemas epistemolóxicos xorden á hora de avaliar un delincuente con remordemento. Unha persoa que é incapaz de sentir remordemento é a miúdo etiquetada cun trastorno de personalidade antisocial -segundo o caracterizado no DSM IV-TR. En xeral, unha persoa debe ser incapaz de sentir medo, así como remordemento, co fin de desenvolver trazos psicopáticos. Profesionais legais e empresariais como os seguros fixeron investigacións sobre a expresión de remordemento polas desculpas, principalmente debido ás implicacións financeiras e litixios potenciais.