[[Ficheiro:Blason Serpentard.svg|80px|dereita|Escudo de Slytherin.]]
'''Slytherin''' valora a ambición, a astucia, asos dotes de mando, a iniciativa e, por riba de todo, a pureza de sangue. A súa mascota é a serpe e as súas cores son a verde e a prata. O xefe da casa é o profesor de [[#Apócemas|Apócemas]], [[Severus Snape]], nos primeiros cinco libros e na maior parte do sexto; ao final do sexto e no sétimo, o antigo profesor de Apócemas e anterior xefe da casa, [[Horace Slughorn]], volve do retiro e reasume a autoridade da casa. A pantasma é o [[Barón Sanguiñento]]. O fundador da casa é [[Salazar Slytherin]]. Aos dormitorios e á sala común chégase a través dunha parede de pedra espida situada nos alxubes. A sala común de Slytherin é longa e sobria, e está baixo o lago de Hogwarts.
