Irmandade Nazonalista Galega: Diferenzas entre revisións

A '''Irmandade Nazonalista Galega''' foi unha organización [[Galeguismo (política)|galeguista]] dirixida por [[Vicente Risco]] como Conselleiro Supremo. [[Antón Losada Diéguez]] foi o seu primeiro Conselleiro de Espallamento ata que en [[1923]] foi substituído por [[Xaime Quintanilla Martínez|Xaime Quintanilla]]. Partidaria dun purismo ideolóxico nacionalista centrado no espallamento das teses galeguistas mais contraria á participación electoral e con vontade de controlar o movemento agrarista <ref>Justo G. Beramendi e Xosé Manoel Núñez Seixas (1996) ''O nacionalismo galego'' A Nosa Terra:Vigo, p. 132-133</ref> . Houbo intentos de crear un voceiro oficial que non callaron máis alá duns poucos números, como o mensual ''[[Rexurdimento (revista)|Rexurdimento]]'' e foi o xornal ''[[Galicia. Diario de Vigo|Galicia]]'', dirixido por [[Valentín Paz Andrade]], o que se converteu na súa voz oficiosa<ref>Emilio Xosé Ínsua e Xurxo Martínez González (2018) ''Común temos a patria. Biografía dos irmáns Villar Ponte''. Xerais:Vigo, p. 272</ref> .