Os infravermellos tamén se empregan nos equipos de [[visión nocturna]] cando a cantidade de [[luz visible]] é insuficiente para ver os obxectos.<ref name="how nightvision works">{{Cita web|título=How Night Vision Works |editor=American Technologies Network Corporation |url=http://www.atncorp.com/HowNightVisionWorks |dataacceso=2 de decembro de 2009}}</ref> Os dispositivos de visión nocturna funcionan por medio dun proceso que convirteconverte os [[fotón]]s da luz ambiente en electróns que son amplificados empregando métodos químicos e eléctricos e despois convertidos outra volta en luz visible,<ref name="how nightvision works"/> que se presenta nunha pantalla en forma de imaxes que poden ser monocromas, os obxectos máis quentes amósanse como os máis luminosos, ou tamén se pode empregar un sistema de falsas [[cor]]es para representar as diferentes temperaturas. A utilización de fontes de radiación infravermella permite aumentar a cantidade de luz ambiente que pode ser utilizada polos dispositivos de visión nocturna para xerar as imaxes, incrementando a visibilidade sen utilizar luz visible.<ref name="how nightvision works"/> Os aparellos de visión nocturna estendéronse entre os [[exército]]s de moitos países porque permiten as operacións militares durante a noite en mellores condicións de visibilidade dos obxectivos.
