Fotografía: Diferenzas entre revisións

Considérase que a fotografía foi desenvolvida pola primeira vez en Francia na época en que os inicios da [[sociedade industrial]] comezaban a achegar innovacións técnicas no campo da [[óptica]]. Os procesos fotográficos xurdiron vinculados ao campo científico, onde as teorías [[positivismo|positivistas]] esixían a comprobación empírica de cada elemento da Natureza. Porén, a burguesía axiña popularizou usos diversos da fotografía, principalmente do xénero do [[retrato]], nun intento por emular os retratos pictóricos da nobreza. A fotografía adquiría así unha nova atribución ao converterse en ferramenta de ascenso social.

 

 

Outra das características deste primeiro período é a multiplicidade de procedementos para o fixado da [[imaxe]]. O primeiro negativo sobre papel foi obtido por [[Joseph-Nicéphore Niépce]] en 1816, e dez anos máis tarde, en 1826, o propio Niépce realizou a primeira fotografía permanente da natureza <ref>[http://www.hrc.utexas.edu/exhibitions/permanent/firstphotograph/niepce/#top Exhibición na Universidade de Texas]</ref>. En 1839, o invento é presentado publicamente na [[Academia de Ciencias e Belas Artes de Francia]], como fonte empírica de documentación da realidade.