Ribadeo: Diferenzas entre revisións

O sector primario dá ocupación a un terzo da poboación activa, tendo experimentado unha considerable melloría coa concentración parcelaria na maioría das parroquias. Coa mecanización e a modernización dos labores agrícolas logrouse deixar de lado o sistema de autoconsumo, para iniciar unha produción plural de explotación forestal e gandeira, de produción [[leite|láctea]] e [[carne|cárnica]] preferentemente. Dentro do sector [[gandería|gandeiro]], destaca a produción [[vaca|vacúa]] seguida da [[porco|porcina]] e, en menor medida, a [[cabalo|cabalar]] e [[galiña|avícola]]; por todo iso, vese claramente como a labranza vaise convertendo nun sector subsidiario da [[gandería]], verdadeira fonte da riqueza municipal. O sector [[pesca|pesqueiro]], actualmente en crise, ten unha importancia económica secundaria. Coa construción do peirao de Mirasol, o porto da vila recuperou algo do auxe comercial de tempos atrás, ó fomentarse a súa dedicación o tráfico comercial interior con produtos minerais, madeira e os seus derivados. Polo que se refire á pesca, as capturas oriéntanse cara a especies como a [[pescada]], o [[peixe sapo]], a [[sardiña]], o [[percebe]] e o [[mexillón]], entre outras, constituíndose na principal fonte de ingresos para algunhas familias tanto da vila como da próxima poboación de Rinlo. Nos derradeiros anos, a exportación de algas e o cultivo de [[ostra]] e [[ameixa xaponesa]] conseguiu diversifica-lo sector. Complementan o espectro económico a construción, á que se dedica o 12% da poboación activa, e a pequena industria co 13,6% dos activos ocupacionais. En 2012 inaugurouse o [[Parque empresarial de Ribadeo]] situado xunto á [[A-8]].