Coordenadas polares: Diferenzas entre revisións

En [[matemática]]s, o '''sistema de coordenadas polares''' é un [[sistema de coordenadas]] de dúas dimensións no que cada [[punto (xeometría)|punto]] nun [[plano (xeometría)|plano]] está determinado por un [[ángulo]] e unha [[distancia]]. O sistema de coordenadas polares é especialmente útil cando a relación entre dous puntos se expresa máis ben en termos de ángulos e distancias. No sistema máis coñecido, o [[Coordenadas cartesianas|cartesiano]] ou de coordenadas rectangulares, estas relacións hai que atopalas a partir das [[Función trigonométrica|funcións trigonométricas]].

Como o sistema de coordenadas é de dúas dimensións, cada punto está determinado por dúas coordenadas polares: a coordenada radial e a coordenada angular. A coordenada radial (normalmente denotada por ''r'') denota a distancia do punto ó punto central (coñecido como polo e equivalente á ''orixe'' no sistema cartesiano). A coordenada angular (tamén chamada ángulo polar ou ángulo [[acimut]]al, e normalmente denotado por θ ou ''t'') denota o ángulo positivo (ou ángulo medido en sentido antihorario) para chegar ó punto a partir do eixe polar ou radio de 0° (que é equivalente ó eixe x positivo nas coordenadas cartesianas).<ref name="brown">{{Cita libro | apelido = Brown | nome = Richard G.|editor = Andrew M. Gleason | ano = 1997 | título = Advanced Mathematics: Precalculus with Discrete Mathematics and Data Analysis | editorial = McDougal Littell | localización = Evanston, Illinois | isbn = 0-395-77114-5}}</ref>