|
A '''cardioloxía''' (antes chamada ''"[[corazón]] e [[pulmón]]"'')é unha especialidade da medicina interna conforme a [[Ley de especialidades médicas]] do ano [[1977]]. Atópase dentro das chamadas especialidades médicas, é dicir, non abrangue a [[cirurxía]], aínda cando moitas enfermidades cardiolóxicas cómpre abordalas cirurxicamente. Así pois, un equipo cardiolóxico adoita estar formado por un cardiólogo, un cirurxián cardíaco, e outros especialistas integrando un equipo multidisciplinar.
==Historia==
A '''historia da cardioloxía''' iníciase co interese en afondar os coñecementos sobre a circulación sanguínea, o que retorna aos tempos primitivos, na observación dos vasos e corazón dos animais. Como disciplina médica baseada no amplo e especializado coñecemento anatómico, a cardioloxía nos tempos antigos foi abordada como un concepto vago na filosófica de [[Aristóteles]] e [[Platón]], que, polo menos, sabían avaliar a importancia do corazón na regulación da fisioloxía humana.<ref>Mirko D Grmek, Storia del pensiero medico occidentale pag 285, Milano, LaTerza, 2007. ISBN 978-88-420-8403-7</ref>. Segundo [[Galeno]], o músculo cardíaco era sede da paixón e do espírito vital, regulador da temperatura corporal. O médico grego tamén refutou a tese de [[Erasístrato]], baseada na circulación do ar nas [[arteria]]s, pero embicou na equivocada convicción de que o [[sangue]] fluía directamente, sen regulación, entre as cavidades esquerda e dereita do corazón.<ref>Nicoletta Palmieri, L'antica versione latina del 'De Sectis' di [[Galeno]]. (Pal. Lat. 1090), Ets, 1992.</ref> Esa visión permaneceu inalterada ata os estudos sobre a circulación sanguínea de [[William Harvey]], o que demostra como difícil era esta especialidade médica gañar terreo.
== Subespecialidades cardiolóxicas ==
|
