Pobo vasco: Diferenzas entre revisións

Os historiadores romanos afirman que o territorio vasco era habitado dende tempos prerromanos por diversas tribos cuxa lingua non entendían. A distribución rexional destas tribos difere entre os historiadores. Porén, acéptase a teoría de que os vascos son un remanente dos primeiros habitantes do [[paleolítico]] da [[Europa]] occidental, especificamente dos habitantes da rexión francocantábrica. [[Estrabón]] e [[Plinio o Vello]] nomean nos seus escritos as tribos vascas, incluíndo ós [[vascóns]] e ós [[Aquitania|aquitanos]] entre outras. Existen evidencias para afirmar que estas tribos xa falaban [[lingua protovasca|protovasco]].

Durante a alta [[Idade Media]], os territorios entre o [[río Ebro]] e o [[río Garona]] eran coñecidos como [[País Vasco (rexión histórica)|Basconia]] e foi unificado baixo o mando dos [[ducado de Vasconia|duques de Vasconia]] por un tempo. Despois das invasións dos musulmáns na [[península Ibérica]] e a expansión francesa de [[Carlomagno]], o territorio fragmentouse. O [[reino de Pamplona]] emerxeu como o principal estado do territorio no [[século IX]]. Sería baixo o mando de [[Sancho III o Maior]] que o reino de Pamplona conseguería a súa máxima extensión territorial, pero despois da súa morte no ano [[1035]], os seus fillos non respectaron o seu testamento que outorgaba o reino ó primoxénito, e despois de moitas loitas, dividiron o territorio, o cal deu lugar a unha nova estrutura política no [[século XII]] formada polos reinos de [[reino de Navarra|Navarra]], [[reino de Aragón|Aragón]] e [[Reino de Castela|Castela]]. Durante a Idade Media, [[Biscaia]] únese voluntariamente ó Reino de Castela.

No ano [[1200]], o reino de Navarra perdeu os actuais territorios de [[Áraba]], [[Guipúscoa]] e o [[Duranguesado]], que son anexionados polo monarca castelán. Deste xeito, Navarra, separada dos outros territorios peninsulares do País Vasco, orientou a súa política de expansión cara ó norte e leste, nos territorios fronteirizos con Francia e Aragón. Navarra, foi anexionada parcialmente no [[reino de Castela]] durante os séculos XI e XII, e practicamente na súa totalidade durante [[1512]] e [[1521]]. O resto do territorio do norte foi anexionado por Francia. As tres provincias da actual Euskadi, que se uniran voluntariamente ó reino de Castela, deron o seu apoio á integración de Navarra con Castela.

Teñen trazos diferenciadores nas súas tipoloxías sanguíneas, na súa cultura e na súa lingua,<ref>{{Cita libro |apelido=Zirakzadeh |nome=Cyrus Ernesto |título=A rebellious people: Basques, protests, and politics |url=http://books.google.cat/books?id=6r90-ReqQhAC&pg=PR14&dq=basque+blood+type&hl=ca&ei=5XSTTZThI8ur8AOM9cnmAw&sa=X&oi=book_result&ct=result&resnum=2&ved=0CDIQ6AEwAQ#v=onepage&q=basque%20blood%20type&f=false |editorial=University of Nevada Press |páxinas=p.xvi |data=1991 |isbn=0874171733 }}</ref> de raíces non indoeuropeas, en claro contraste coas linguas románicas dos pobos veciños.