O '''caimán almiscreiro do Brasil''' <ref name="DCiencias">Diccionario das ciencias da natureza e da saúde (C). A Coruña, Deputación da Coruña, 2000, p. 720</ref> ('''''Paleosuchus trigonatus'''''), ás veces chamado ''caimán anano de Schneider''<ref>[http://reptile-database.reptarium.cz/species.php?genus=Paleosuchus&species=trigonatus ''Paleosuchus trigonatus''], The Reptile Database.</ref>, é un réptil [[crocodiliano]] de [[Suramérica]], nativo das cuncas do [[río Amazonas]] e [[Orinoco]]. É a segunda especie de menor tamaño da familia dos [[aligatóridos]], despois do ''[[Paleosuchus palpebrosus]]'', tamén do seu mesmo xénero e da Suramérica tropical. Un adulto medra normalmente ata de 1,2 a 1,6 m de lonxitude e pesa entre 9 e 20 kg. Algúns machos excepcionalmente grandes poden chegar como moito aos 2,3-2,6 m de longo e aos 36 kg de peso.