Poética (Aristóteles): Diferenzas entre revisións

'''''Poética''''' (en [[lingua grega|grego]] Περὶ ποιητικῆς, ''Perì poiêtikês'', literalmetne 'Da poética') é unha obra de [[Aristóteles]] escrita no [[século -IV|século IV a.C.]], entre a fundación da súa escola en [[Atenas]] o [[-335|335 a.C.]] e a súa marcha definitiva da cidade no ano [[-323|323 a.C.]], un ano antes da súa morte, coa función de ditar as normas da arte. Concibida como apuntamentos persoais en dúas partes, unha centrada na [[traxedia]] e a outra, que non se conserva, na [[comedia]]. É o traballo de teórica dramática máis antigo que se conserva e o primeiro tratado filosófico en tratar da teoría literaria <ref>Janko, R. (1984) ''Aristotle on Comedy'', Londres, páx. ix</ref>. Perdido na tradición occidental, durante a Idade Media só se coñecía por unha tradución latina dunha versión árabe realizada por [[Averroes]] <ref> Habib, M.A.R. (2005). ''A History of Literary Criticism and Theory: From Plato to the Present''. Wiley-Blackwell. p. 60.ISBN 0-631-23200-1.</ref>, actualmente o códice conservado máis antigo que contén o texto é o Códex Parisinus 1141, redactado a fins do [[século X]] ou principios do [[século XI|XI]]. A primeira tradución ao galego realizouna Fernando González Múñoz publicada pola Universidade da Coruña no ano 2000.