[[Ficheiro:Les Très Riches Heures du duc de Berry mars.jpg|miniatura|dereita|250px|Representación do modo de vida no Feudalismo.]]O termo '''feudalismo''' é o sistema político, económico e social creado durante a [[Idade Media]] na [[Europa]] co obxectivo de protexer a poboación daquela época. Os reinos dividíanse en pequenos territorios semiindependentes onde o señor proporcionaba protección aos seus vasalos a cambio de tributos e traballos nas súas terras. Os señores feudais eran nobres ou membros da [[Igrexa Católica|Igrexa]] e tiñan unha relación de dependencia máis ou menos forte co rei de cada rexión. O termo foi acuñado por primeira vez polos revolucionarios franceses do [[século XVIII]], como sinónimo das desigualdades xurídico-sociais contra as que loitaban. Así, pasou á [[Historia]] relacionado con [[dereito de pernada]], [[barbarie]], [[séculos escuros]]... Pero o concepto histórico (non é un sistema político, máis ben un modo de organización social), abrangue moitos máis aspectos dos que nun primeiro momento se pensan.
