Renacemento hispánico: Diferenzas entre revisións

Unha das innovacións máis trascendentais do Renacemento, dada a súa gran repercusión posterior en variados ámbitos do saber, foi a formulación da [[heliocentrismo|teoría heliocéntrica]] exposta en ''[[De revolutionibus orbium coelestium]]'' ([[1543]]) por [[Nicolao Copérnico]]. Aínda que a recepción desta obra no mundo académico e intelectual europeo do [[século XVI]] foi predominantemente negativa, pero non así no seguinte.

 

Pola contra, tivo unha boa acollida na Universidade de Salamanca]]: nos seus ''Estatutos'' de [[1561]] figura como lectura opcional,<ref>''Título XVIII. Cátedra de Astrología''. Citado por Fernández Álvarez, Manuel (1998): Felipe II y su tiempo, Madrid: Espasa Calpe, páx. 274.</ref> e nos de [[1594]] é xa de lectura obrigatoria. [[Diego de Zúñiga]], que foi alumno desta universidade, converteuse nun dos poucos heliocentristas temperáns (século XVI) ao defender en ''In Job Commentaria'' ([[1584]]) a validez da nova teoría. Por iso foi mencionado explicitamente, canda a Copérnico, na condena que sobre el decretou a [[Igrexa católica]] en [[1616]], ao tempo que o seu ''Job'' ingresaba no [[Index Librorum Prohibitorum|Índice de libros prohibidos]] xunto con ''De revolutionibus''.

{{Cita|''(...) Tamén chegou a coñecemento desta Congregación que a doutrina pitagórica —que é falsa e por completo oposta á Sagrada Escritura— do movemento da Terra e a inmobilidade do Sol, que tamén se ensina por Nicolao Copérnico en ''De Revolutionibus orbium coelestium'', e por Diego de Zúñiga en ''In Job Commentaria'', está difundíndose agora no estranxeiro e sendo aceptada por moitos (...). Polo tanto, para que esta opinión non poida insinuarse en maior profundidade en prexuízo da verdade Católica, a Sagrada Congregación decretou que a obra do dito Nicolao Copérnico, 'De Revolutionibus orbium', e a de Diego de Zúñiga, 'In Job', sexan suspendidas até que sexan corrixidas.''|Decreto da [[Index Librorum Prohibitorum|Sagrada Congregación do Index]], 5 de marzo de 1616.<ref>Citado por Fernández Álvarez, Manuel (1998): ''Felipe II y su tiempo'', Madrid: Espasa Calpe, páx. 275.</ref>}}