Diferenzas entre revisións de «Wikipedia:Conflito de intereses»

m
Bot: Cambios estética
m (Bot: Cambios estética)
Editar baixo un conflito de intereses está, polo tanto, prohibido. Este tipo de edicións a miúdo violan políticas como o [[WP:PVN|punto de vista neutral]], [[WP:NON|o que a Wikipedia non é]] e o cumprimento dos [[Wikipedia:Dereitos de autor|dereitos de autor]], e dan como resultado o [[WP:BLOQUEO|bloqueo]] da conta implicada.
 
== Que é un conflito de intereses? ==
{{Véxase tamén|Wikipedia:O que a Wikipedia non é}}
A Wikipedia é unha enciclopedia, non o editorial dun xornal ou un foro para dar publicidade e promocionar unha persoa ou as ideas que este individuo teña. Como tal, unicamente debe conter material que estea de acordo coas súas políticas de contido. Deste xeito, os editores deben antepor os intereses da enciclopedia a calquera outro externo. Calquera usuario que faga primar os intereses que teña fóra da enciclopedia pode ser susceptible de incorrer nun conflito de intereses.
En caso de que un usuario suxira que alguén está a incorrer nun conflito de intereses, o mellor é acougar e tomalo con calma. Sería bo reflexionar e revisar detidamente os escritos. Logo disto, pódese iniciar unha conversa cordial tanto co usuario que sinalou esta posible irregularidade como coa comunidade, para tratar así de emendar aqueles posibles problemas que teñan os textos.
 
=== Exemplos ===
A continuación detállanse algúns casos que entran na categoría de conflitos de intereses. A lista non pretende ser exhaustiva e, polo tanto, non representa a totalidade de posibilidades que poden levar a determinar a existencia deste problema.
 
==== Autobiografías ====
Na Wikipedia está completamente desaconsellado crear a [[Wikipedia:Autobiografía|autobiografía]], escribir sobre un mesmo ou editar nun artigo sobre si mesmo. Tamén está mal visto que engada ligazóns para si noutros artigos. Teña en conta que a Wikipedia non é o lugar apropiado para publicar o seu currículo; se quere pode colaborar editando sobre outros temas nos que non estea implicado. Cómpre tamén salientar que se o artigo chega á Wikipedia en galego a través dunha tradución da entrada na Wikipedia noutra lingua tamén se considera un conflito de intereses se foi creado nas mesmas condicións.
 
Pola contra, cargar imaxes, sons ou ficheiros multimedia sobre un mesmo dos que dispón dos dereitos de autor non constitúe un conflito de intereses, está aceptado; ademais, agradecémoslle que o faga.
 
==== Citas propias ====
Editar artigos sobre aqueles temas nos que un teña experiencia académica ou profesional non constitúe un conflito de intereses en si. Ademais de ser unha práctica habitual entre os usuarios, serve para constatar a fiabilidade do texto. Non é recomendable citar fontes e materiais propios, malia que sexan relevantes. A mellor práctica é falar coa comunidade para que outra persoa inclúa eses datos e así evitar unha [[Wikipedia:Punto de vista neutral#Cantidade debida e indebida|excesiva promoción ou énfase]] do traballo propio.
 
==== Compensación económica ====
Tampouco é conveniente facer edicións se logo se agarda unha retribución polo labor de editar a Wikipedia como representante de calquera organización. A mellor opción é comunicar abertamente a situación na conversa do artigo e permitir que os demais usuarios axuden a atopar a solución.
 
==== Amizades ====
Calquera situación na que haxa unha forte relación pode desencadear un conflito de intereses, xa sexa por algún motivo persoal, relixioso, político, académico, financeiro ou legal. Isto non está determinado pola área do saber, senón polo desenvolvemento dunha relación que produce un alto nivel de involucración persoal e que non permite desligarse dunha persoa, tema, idea, tradición ou organización.
 
Estar próximo a un tema non significa que un sexa incapaz de ser neutral, pero pode inclinar a persoa cara a deixar eivas no texto. Novamente, o resto de editores son unha fonte de consellos. Non obstante, e como ocorre moitas veces, a definición de "próximo" neste contexto está rexida polo [[sentido común]]. Por regra xeral, canta máis implicación se teña nun determinado tema, máis coidado se debe ter ao escribir sobre el.
 
== Como evitar os conflitos de intereses ==
A Wikipedia é "a enciclopedia que calquera pode editar", pero se está involucrado nun conflito de intereses, aquí hai algúns consellos para reducir os problemas ao mínimo:
 
# '''Evite editar''' ou teña moita precaución ao editar artigos sobre vostede ou a súa organización, así como proxectos e produtos relacionados.
#: ''Por que recomendamos isto?'' Cando a xente está próxima a un tema, a súa visión del a miúdo está distorsionada, mesmo facéndoo coa [[Wikipedia:Asuma a boa fe|mellor vontade do mundo]]. A proximidade provoca ver o asunto desde unha perspectiva que non tería unha [[Wikipedia:Citar as fontes|fonte independente e veraz]]. A Wikipedia debe reflectir as vistas das fontes, e non as que teñan os seus editores.
# '''Evite defender o borrado''' de artigos ou contidos relacionados con competidores seus nas [[Wikipedia:Votacións para borrar|votacións para borrar]].
#: ''Por que recomendamos isto?'' Animamos a que a xente [[Wikipedia:Verificabilidade|identifique fontes válidas]] para construír un artigo, mesmo se é dunha compañía propia. As persoas próximas a un tema habitualmente coñecen máis referencias útiles para o tema que outros alleos a el. Non obstante, ir na contra daqueles artigos sobre competidores non é unha práctica tolerada, especialmente se non se revelou esta implicación directa.
# '''Evite ligar''' cara ao artigo da Wikipedia, a súa [[Wikipedia:Páxina de usuario|páxina de usuario]] ou a páxina web da súa organización desde outros artigos.
#: ''Por que recomendamos isto?'' A Wikipedia medra cando a xente conecta os artigos e achega ligazóns cara a recursos externos. Con todo, a Wikipedia tamén debe impedir comportamentos promocionais inapropiados e o spam disfrazado en forma de citas. A xente implicada no asunto é propensa a considerar estas ligazóns máis importantes do que realmente son.
# '''Evite incumprir''' as políticas e normas sobre contidos; en especial, aquelas relacionadas co [[Wikipedia:Punto de vista neutral|punto de vista neutral]], a [[Wikipedia:Verificabilidade|verificabilidade]] e as [[Wikipedia:Autobiografía|autobiografías]].
#: ''Por que recomendamos isto?'' Aterse ás políticas de contido é obrigatorio para todos os usuarios, non só para aqueles cunha conexión co tema. Porén, a xente cunha relación directa cun asunto ten máis posibilidades de incumprir estas políticas.
 
{| style="border:solid black 1px; margin:10px; padding:10px;background-color: floralwhite; "
|}
 
== Espazo de usuario para publicar autobiografías curtas ==
Aqueles usuarios cunha conta rexistrada poden empregar a súa [[Wikipedia:Páxina de usuario|páxina de usuario]] para publicar pequenas autobiografías dentro duns límites razoables e dun xeito que sexa compatible co propósito de traballar na enciclopedia. Se quere escribir sobre vostede sen traballar na enciclopedia considere elaborar unha páxina web ou un blogue persoal. [[Wikipedia:O que a Wikipedia non é#A Wikipedia non é un blogue ou rede social|A Wikipedia non é]] un servizo de aloxamento web gratuíto.
 
== Como actuar ante un conflito de intereses ==
As situacións de posibles conflitos de intereses deben abordarse con moito tino e lembrar [[Wikipedia:Asuma a boa fe|asumir boa fe]] por parte de todos os colaboradores. Non obstante, un punto importante a destacar é que en caso de demostrar o conflito de intereses o resultado adoita ser a eliminación inmediata dos contidos.
 
Como en calquera conversa, máis se cadra nestas, deben imperar as [[Wikipedia:Normas de conduta|normas de conduta]]: os participantes deben [[Wikipedia:Civismo|comportarse civicamente]] e [[Wikipedia:Non fagas ataques persoais|non facer ataques persoais]].
 
== Editores en conflito de intereses ==
Esta sección contén información importante para aqueles editores que están involucrados nun conflito de intereses.
 
=== Edicións aceptadas ===
As únicas edicións que poden realizar os usuarios baixo un conflito de intereses son poucas. Basicamente, redúcense a estas dúas citadas deseguido:
# Eliminar spam e reverter [[Wikipedia:Vandalismo|vandalismos]].
# Corrixir erros gramaticais e ortográficos.
 
Calquera outra edición fóra das anteriores debe facerse con coidado; o máis recomendable é [[#Solicitudes de modificacións|solicitar que a faga un usuario alleo]] ao conflito de intereses.
Unha vez cargado o ficheiro, pódese incorporar aos artigos da Wikipedia onde cumpra. Non obstante, non se poden substituír sen motivo as imaxes que ilustran un artigo polas propias se as primeiras son dunha calidade e idoneidade similar. A mellor opción é informar na conversa sobre a dispoñibilidade dos ficheiros para consensuar o seu cambio, se así se decidise.
 
=== Declaración dos intereses ===
Algúns editores declaran un interese nunha área do saber en particular. Isto pódeno facer de varios xeitos. Moitos usuarios fan uso das súas páxinas de usuario. Tamén existe a posibilidade de expresalo nunha páxina de conversa.
 
Malia isto, tamén existen motivos para non declarar un interese. Por exemplo, se isto pode poñelo en perigo no mundo real ou se pode levar á revelación do seu nome real. Nestes casos, o mellor é manterse á marxe no wiki. Unha boa solución sería poñerse en contacto cun dos [[Wikipedia:Administradores|administradores]] mediante o correo electrónico, para acordar o que facer e garantir o anonimato na medida do posible.
 
=== Solicitudes de modificacións ===
Aqueles editores cun conflito de intereses que queiran suxerir grandes cambios nos artigos deben facer uso da [[Wikipedia:Páxina de conversa|páxina de conversa]] asociada ao mesmo. Ao facer esta solicitude, a mellor opción é [[#Declaración dos intereses|declarar os intereses]] para evitar malentendidos e para facer ver á comunidade que [[Wikipedia:Asuma a boa fe|actúa de boa fe]]. Outro editor realizará o cambio no seu nome, se fose pertinente.
 
=== Consecuencias de ignorar esta norma ===
{| style="border:black solid 1px" align="center" width="90%"
| style="background-color:#c8ffc8" | <div style="text-align:center;">'''Política da Wikipedia sobre as consecuencias involuntarias'''</div>Se escribe na Wikipedia sobre calquera cousa, unha vez gardada a edición, non posúe dereito ningún para controlar as modificacións futuras ou para borrar estes contidos fóra das [[Wikipedia:Votacións para borrar|canles habituais]]. Os contidos '''engádense de xeito irrevogable''' con cada edición e unha vez rexistrados non se poden borrar unicamente porque o autor non queira que continúen dispoñibles. Calquera editor ten o dereito de engadir ou retirar material dentro dos termos das nosas políticas de contido. Se incumpre as nosas políticas de edición ou entra en [[Wikipedia:Guerra de edicións|guerras de edición]] nun intento de conseguir a versión que desexa, o máis probable é que acabe por [[Wikipedia:Política de bloqueo|non poder editar]].
393.002

edicións