Música pop: Diferenzas entre revisións

[[Ficheiro:Michael Jackson 1984.jpg|dereita|miniatura|200px|[[Michael Jackson]], coñecido como o ''Rei'' do pop.]]

[[Ficheiro:CandyShopAmsterdam cropped.jpg|dereita|miniatura|200px|[[Madonna]], artista que acadou grande sona na década de 1980.]]

 

A '''música pop''' (apócope de ''popular'') é un xénero de música popular que tivo a súa orixe a finais dos anos 1950 coma un derivado do ''[[rock and roll]]'', en combinación con outros xéneros musicais que estaban de moda nese momento. A música pop, á marxe da instrumentación e tecnoloxía aplicada para a súa creación, conserva a estrutura formal "verso - retrouso - verso", executada dun modo sinxelo, melódico, apegadizo, e normalmente asimilable para o gran público. As súas grandes diferenzas con outros estilos están nas voces melódicas e claras en primeiro plano e percusións lineais e repetidas.

Malia ser un estilo absolutamente híbrido (pop-rock, ''noise-pop'', [[britpop]], ''electropop''...), as clasificacións máis coñecidas e aceptadas son: Pop ''indie'' Vs. Pop comercial, e Pop electrónico Vs. Pop Tradicional. A magnífica proliferación do pop fai imposible que estas clasificacións representen divisións puras.

 

A esta liña pertencen tódalas agrupacións cuxas compañías discográficas non contan con grandes orzamentos e que, xa que logo, non compiten co "mainstream". O seu carácter ''underground'' confírelles certo carácter de culto, que se incrementa en ocasións cunha lírica creativa algo difícil de asimilar nunha primeira escoita. A creación musical está afortalada fronte á promoción ou a rendibilidade do produto. No movemento [[Indie pop|indie]] adoitan predominar actitudes e gustos "freak", certa atemporalidade en forma de "síndrome de Peter Pan", e fetichismo cara ao retro e o ''kitsch''.