Cereo, Coristanco: Diferenzas entre revisións

A parte central, máis aplanada, foi aproveitada para establecérense nela os principais núcleos de poboación pola súa maior facilidade para traballala. Nela destaca a suave pero nidia inclinación cara ao norte desde os 180 m da aldea do [[O Cotón, Cereo, Coristanco|Cotón]] ata os 50 do cauce do [[río Anllóns]]. O máis destacado da parte oriental é un pequeno outeiro ao leste de [[Vilaverde, Cereo, Coristanco|Vilaverde]] con caídas suaves pola parte occidental pero con fortísimos desniveis pola parte que dá á paraxe do Refuxio de [[Verdes]], produto da tectónica xa que está orixinada por unha falla que aproveitou o río para encaixarse e seguir un trazado máis ben recto ata chegar a outra falla perpendicular á anterior o que fai que o río describa un ángulo recto e colla decididamente a dirección da [[Pontedona]].