Composto cíclico: Diferenzas entre revisións

En [[química]], un '''composto cíclico''' é un [[composto químico]] no cal unha serie de átomos están conectados formando un anel ou bucle (o ciclo).<ref>March, Jerry (1985), Advanced Organic Chemistry: Reactions, Mechanisms, and Structure (3rd ed.), New York: Wiley, ISBN 0-471-85472-7 </ref>

Aínda que a gran maioría dos compostos cíclicos son [[materia orgánica|orgánicos]], hai tamén unhas poucas substancias inorgánicas que tamén poden formar estruturas cíclicas, como o [[xofre]], [[silano]]s, [[fosfano]]s, [[ácido fosfórico]], e [[ácido tribórico]]. Os compostos químicos poden ser homocíclicos<ref>IUPAC Gold book - Homocyclic compound [http://goldbook.iupac.org/H02843.html IUPAC Gold book - Homocyclic compound]</ref> se os átomos situados no vértice do anel son todos do mesmo elemento; dentro deles os máis salientables son os compostos carbocíclcos, no que o mencionado elemento é o carbono<ref>IUPAC Gold book - Carbocyclic compounds[http://goldbook.iupac.org/C00818.html IUPAC Gold book - Carbocyclic compounds]</ref>. Os [[composto heterocíclcico|compostos heterocíclicos]] teñen nos vértices do anel átomos de máis dun elemento químico<ref>IUPAC Gold Book - Heterocyclic compounds [http://goldbook.iupac.org/H02798.html IUPAC Gold Book - Heterocyclic compounds]</ref>. Os compostos cíclicos poden ser [[Aromaticidade|aromáticos]] ou non; por exemplo, o [[benceno]] é aromático mentres que o [[ciclohexano]] non. O termo "policíclico" utilízase cando se forma máis dun anel na molécula, como é o caso do [[naftaleno]]. O termo [[macrociclo]] úsase cando o anel contén máis dunha ducia de átomos.