Illa de Lobos: Diferenzas entre revisións

A '''Illa de Lobos''' é un illote do [[Océano Atlántico]], ao norte de [[Fuerteventura]]. Politicamente pertence ao municipio de [[La Oliva]], na [[provincia das Palmas]], [[Illas Canarias]], [[España]].

Trátase dun pequeno illote duns 4,5  km² situado ao nordés de Fuerteventura. O brazo de mar que os separa denomínase [[El Río (Fuerteventura)|El Río]], no [[Estreito da Bocaina]], cuxa profundidade non excede dos 10 metros. A illa pode ser vista con claridade desde [[Corralejo, La Oliva|Corralejo]].

O seu nome débese a que no pasado habitaban na illa [[Lobo mariño|lobos mariños]], tamén coñecidos como [[monachus monachus|focas monxe]], agora en perigo de extinción. Os pescadores eliminaron a especie, xa que pensaban que a súa voracidade reducía os recursos mariños da zona. Cada un destes animais necesita entre 30 e 40  kg de peixe ao día. Estanse realizando esforzos de reintrodución dos lobos mariños, a pesar da negativa dos pescadores.

Forma parte do [[Parque Natural das Dunas de Corralejo e Illa de Lobos]]. Alberga máis de 130 especies vexetais e varias especies de aves, destacando a [[gaivota arxéntea]] e a [[pardela cincenta]]. Os fondos mariños son área de reserva submarina e conteñen unha gran riqueza ecolóxica.

O illote estivo habitado ata 1968 por un fareiro, Antonio Hernández Páez (Antoñito o Fareiro), e a súa familia. O faro foi restaurado e hoxe día funciona automaticamente.