Baíñas, Vimianzo: Diferenzas entre revisións

A [[igrexa de Santo Antoíño de Baíñas]] ten planta rectangular é unha soa nave. Tellado a dúas augas e corpo acaroado ao muro norte. O templo que se ve actualmente edificouse sobre outro do [[século XII]], que pertenceu ao convento de San Antoíño de Baíñas de monxes bieitos, e do que aínda quedan lenzos de muros, contrafortes, restos de arcadas con capiteis decorados e canzorros con figuras humanas.<ref name=":0">{{Cita web|url=http://patrimoniogalego.net/index.php/49599/2013/09/igrexa-de-san-antoino-de-bainas/|título=Igrexa de San Antoíño de Baíñas|data-acceso=2016-07-21}}</ref> No muro norte hai un tímpano nunha porta tapiada da antiga igrexa que parece representar a ”fuxida a [[Exipto]]”. A fachada é totalmente lisa e sen adornos, ten unha pequena ventá cadrada no centro e de extremos rebaixados. A torre do campanario amosa tres corpos. O primeiro, o das campás, é de base cadrada con ocos de arco de medio punto en cada cara e con pilastras nas esquinas, con cornixa moi voada e remate de pináculos nos catro lados que dan paso a o outro corpo, de base octogonal con vans que rematan en arcos e que sosteñen unha pequena cúpula con casetóns e rematada en pináculo.<ref name=":0" />