Durante a primeira metade do [[II milenio a. C.|segundo milenio]] antes da nosa era, os hurritas se expanden na [[Siria]] do Norte (atopámolos nos arquivos de [[Mari (cidade)|Mari]]). Tras a caída dos reinos [[amorritas]], convértense na etnia dominante nesta rexión e os seus reinos afrontan o expansionismo [[hitita]] no século [[século -XVI|século XVI a.C.]]. Poderosos reinos hurritas aparecen daquela, como [[Kizzuwatna]] (en [[Cilicia]]), pero sobre todo [[Mitanni]], que se situaba arredor do triángulo do [[Khabur]] en [[Siria]] do Norte. Este reino, dirixido orixinariamente por unha elite [[indoeuropeos|indoeuropea]], pero poboado maioritariamente por hurritas, estende o seu dominio sobre os seus veciños entre os se´culosséculos [[século -XVI|XVI]] e [[século -XV|XV a.C.]], a Siria e a [[Asiria]]. Este expansionismo faino entrontarse sucesivamente cos [[Antigo Exipto|exipcios]], despois cos [[hititas]], e finalmente cos asirios que, tras liberárense do xugo mitanio, destrúen o reino definitivamente no século [[século -XIII|século XIII a.C.]]. A derradeira dinastía do reino hitita, a de [[Suppiluliuma I]], é con toda probabilidade de orixe hurrita, e, con todo, contribuíu fortemente ao debilitamento do reino de Mitanni.
