Prudencio Rovira: Diferenzas entre revisións

Estudou no Colexio dos agostiños do Escorial e na [[Universidade de Madrid]]. Especializouse por libre en Historia, Literatura e Arte. Funcionario do Ministerio de Gobernación, dedicouse integramente ao xornalismo, traballando como redactor en ''El Correo'', ''La Correspondencia de España'' e ''El Español'' de [[Madrid]]. Foi secretario particular de [[Antonio Maura]] durante a maior parte da súa vida pública (1902-1925). Foi elixido deputado a Cortes polo distrito de Ribadeo nas [[Eleccións Xerais 1907 en España|eleccións de 1907]] e polo distrito da Pobra de Trives nas [[Eleccións Xerais 1919 en España|eleccións de 1919]], [[Eleccións Xerais 1920 en España|1920]] e [[Eleccións Xerais 1923 en España|1923]]. Continuou colaborando en periódicos, como ''Diario de Barcelona'' e ''El Diario Español'' de [[Buenos Aires]]. En galego publicou ''Hirmandade!'', un libro de poemas de contido [[Agrarismo|agrarista]]. Recibiu a Cruz de Carlos III e a Cruz do Mérito Naval.