Modesto Brocos: Diferenzas entre revisións

Era irmán do escultor [[Isidoro Brocos y Gómez]], profesor da [[Academia de Belas Artes]] da [[A Coruña|Coruña]]. Terminados os estudos, aos dezaoito anos, pretendeu gañarse a vida na [[Arxentina]], mais dous anos despois estaba en [[Brasil]] ilustrando o semanario ''O Mequetrefe'', de Río de Xaneiro. Introduciu no país a técnica do [[xilogravado]] aplicándoa nas súas ilustracións.

De xenio inquedo, antes de dous anos mudouse a [[París]], onde ingresou na Escola de Belas Artes, tendo como mestre ó alemán [[Henri Lehmann]]. Incontento, marchou a [[Madrid]], regresando ó pouco a París e despois marchando a [[Roma]], onde encontrou ó seu protector, o artista español [[Pradilla]]. Frecuentou durante cinco anos a [[Academia Chigi]] ata [[1890]]. Nesa época xa era un artista maduro, autor de excelentes obras e frecuentador do ''Salon'' parisino. Na condición de pintor con formación completada, retorna a Río de Xaneiro por invitación de [[Rodolfo Bernardelli]], daquela director da [[Escola Nacional de Belas Artes]], sucesora da vella Academia Imperial.