Linguas aborixes de Australia: Diferenzas entre revisións

O termo '''linguas aborixes de Australia''' designa un conxunto de linguas faladas nunha extensión xeográfica determinada e non a unha familia lingüística propiamente dita, xa que se refire ó conxunto de idiomas autóctonos (arredor dunhas 200 [[lingua]]s) que son faladas en [[Australia]] e pequenas illas adxacentes polos [[aborixes australianos]] e que se poden agrupar en diversas familias.

Case todas estas linguas atópanse ameazadas por procesos de extinción, que se iniciaron cando o [[lingua inglesa|inglés]] comezou a imporse como idioma de comunicación xeralizado. Para facerse unha idea do precaria que é a súa situación chega con dicir que tan só 5 ou 6 destas linguas contan con máis de 1000 falantes e que practicamente a metade non son faladas por máis de 10 ou 20 persoas. Cada ano, un número importante e crecente de linguas aborixes pasa á listaxe de linguas extintas. Segundo os datos do ano [[2008]], quedaban vivas 220 linguas das que 25 contaban cunha única persoa falante.