Cuco: Diferenzas entre revisións

Os cucos son aves duns 34  cm.de lonxitude e patas fortes, que cando voan recordan ós [[Gabián (ave)|gabiáns]], malia voaren coas alas por debaixo da horizontal. Pousados teñen aspecto gordecho, e a miúdo deixan caer lixeiramente as alas. A cola é longa e escalada, con manchas brancas. O barrado da zona ventral recorda tamén o dos gabiáns. Teñen dúas fases de coloración, unha gris predominante e outra acastañada (fase hepática), característica sobre todo dalgunhas femias. Os cucos novos teñen bandas tamén na cabeza e no lombo.

Crían en Asia e Europa. Neste último continente faltan só en [[Islandia]]. Viven en paisaxes variadas, que lles ofrezan espazos naturais e lugares axeitados para pousarse. Aparecen en [[biótopo]]s por riba da liña dos bosques, en zonas de [[duna]]s costeiras, e en todo tipo de hábitats entre os [[semideserto]]s e os bosques máis ou menos mestos, mesmo ás veces en páramos. Faltan preto das áreas urbanas moi poboadas.

En Europa a chamada do cuco simboliza a chegada da primavera, polo que o cuco está presente en numerosas tradicións locais, refráns e frases feitas.

A tradición de preguntarlle ó cuco cantos anos lle quedan a un de vida, calculándoos polas veces que repite o seu canto, propia tamén de países coma [[Rusia]], tamén está presente en Galicia. A expresión ''ter oído cantar moitos cucos'', por ter moitos anos, relaciónase coa presenza anual da ave.