Elmet: Diferenzas entre revisións

'''Elmet''' foi un reino celta independente que ocupaba unha ampla área do que máis tarde se converteu na [[West Riding of Yorkshire]] durante a alta [[Idade Media]], entre aproximadamente o [[século V]] e principios do [[século VII]] <ref>http://web.archive.org/20080328132558/www.geocities.com/heartland/lane/8771/elmete.html |“Kingdom of Elmete”, por Heartland (24 October 2007) [en inglés]</ref>. Malia seren pouco claras as súas fronteiras, parece que acadaban o [[Ríorío Sheaf]] polo sur e o [[Ríorío Wharfe]] polo leste. Lindaba con [[Deira (reino)|Deira]] polo norte e [[Mercia]] polo sur, e semella que a súa fronteira occidental estaba preto de [[Craven]], que era probabelmente un reino britano menor.

Elmet foi invadido e conquistado por [[reino de Northumbria|Northumbria]] no outono de [[616]] ou [[626]]. Pouco fica para testemuñar a súa existencia anterior, pois hoxe existe escasa evidencia arqueolóxica e histórica. As únicas pegadas físicas que perduran deste reino, fóra dos textos nos anais posromanos, foron os terrapléns defensivos preto de [[Barwick-in-Elmet]], os nomes doutras aldeas na zona (e.g. [[Sherburn-in-Elmet]]), e nas raíces celtas de varios topónimos locais.