Rálidos: Diferenzas entre revisións

Os '''rálidos''' ('''Rallidae''') son unha gran familia de [[aves]] de mediano a pequeno tamaño que viven no chan de distribución cosmopolita. A familia comprende, entre outros as galiñolas, galiñas ou pitas de auga ou de río, poliñas, camóns, rascóns ou guións do paspallás, con varias especies que viven en [[Galicia]] pertencentes aos xéneros ''Fulica'', ''Gallinula'', ''Porzana'', ''Porphyrio'', ''Rallus'' e ''Crex''. Moitas especies están asociadas con zonas húmidas, aínda que a familia ten especies que poden encontrarse en todos os hábitats terrestrres excepto os [[deserto]]s secos, rexións polares e áreas [[clima alpino|alpinas]] por riba da liña das neves. O hábitat máis común dos rálidos son as marismas e os bosques densos. Gústalles especialmente a vexetación densa. Os rálidos poden encontrarse en todos os continentes agás na [[Antártida]]. Hai numerosas especies propias de illas.<ref name=h&r2003-206-7>Horsfall & Robinson (2003): pp.&nbsp;206–207</ref>