A [[clima]]toloxía de Braga é [[clima oceánico|oceánica temperada]], ao situarse entre as serras e o [[océano Atlántico]], coas catro estacións ben definidas. Os [[inverno]]s son bastante [[choiva|pluviosos]] e [[frío]]s, e xeralmente con [[vento]]s moderados do sudoestesuroeste. O vento pode tamén soprar do norte, normalmente forte, o que adoita provocar un descenso da temperatura. A [[neve]] non adoita callar, sendo a última nevarada até o momento a do 9 de xaneiro de [[2009]]. As [[primavera]]s son tipicamente frescas, con grandes anticiclóns e ventos suaves, con brisas matutinas nas maiores altitudes. No val do Cávado, a baixa altitude, adoita haber néboa pola mañá. O mes de maio é propicio para as [[treboada]]s, polo quecemento do aire húmido coa chegada do [[verán]]. Estes son quentes e soleados, con ventos suaves do leste. Nos días máis frescos pode haber choivas de corta duración, importantes para a vexetación da rexión ao reabastecer as táboas de auga. Os outonos son chuviosos, xeralmente con ventos moderados.
