Hegel naceu o 27 de agosto de 1770 en [[Stuttgart]], no [[ducado de Württemberg]], suroeste de Alemaña. Bautizado Georg Wilhelm Friedrich, foi coñecido como Wilhelm para a súa familia. O seu pai, Georg Ludwig, era ''Rentkammersekretär'' (secretario da oficina de ingresos) na corte de [[Carlos Uxío de Württemberg]]<ref name=pinkard/>{{Cita libro|título=Hegel: A Biography|apelidos=Pinkard|nome=Terry|editorial=Cambridge University Press|ano=2000|url=http://assets.cambridge.org/052149/6799/sample/0521496799WSN01.pdf|ISBN=0-521-49679-9|ref=}}</ref>. A nai de Hegel, Maria Magdalena Louisa, era a filla dun avogado do Tribunal Superior de Xustiza da corte de Württemberg. Ela morreu dunha «febre biliosa» (''Gallenfieber'') cando Hegel tiña trece anos. Hegel e mailo seu pai tamén colleron a doenza, pero por pouco sobreviviron<ref>Pinkard, ''Hegel: A Biography'', p. 3, dá incorrectamente a data do 20 de setembro de 1781, tendo Hegel once anos. Cf. o índice do libro de Pinkard e a súa «Chronology of Hegel's Life» («Cronoloxía da vida de Hegel»), onde aparece correctamente a data como 1783 (pp. 773, 745); véxase tamén a [[:de:Georg_Wilhelm_Friedrich_Hegel#Studien_und_Interessen|Wikipedia alemá]].</ref>. Hegel tiña unha irmá, Christiane Luise (1773-1832), e un irmán, Georg Ludwig (1776-1812), quen finou como oficial na campaña rusa de Napoleón de 1812<ref name=pinkard/>.
Con tres anos Hegel asistiu á «escola alemá». Cando entrou á «escola latina» dous anos máis tarde, el xa sabía a [[primeira declinación]] grazas á súa nai.
