Antonio Rosón: Diferenzas entre revisións

Fillo maior do farmacéutico de Becerreá, Eulogio Rosón López. Estudou o bacharelato no Instituto de Lugo, estudando logo en [[Santiago de Compostela]] e [[Oviedo]], rematando por licenciarse en [[Dereito]] pola [[Universidade de Valladolid]]. Comezou a súa vida profesional en Lugo ao abeiro do seu tío [[Eduardo Rosón López]]. Na altura da sublevación militar de [[18 de xullo]] de [[1936]], Antonio Rosón ingresou na Falanxe en 1936<ref>{{Cita libro |título= A editorial Galaxia: proxecto e traxectoria 1950-1963|nome= María Dolores|apelidos= Villanueva Gesteira|ligazónautor= |ano= 2015|editorial= USC|lugar= Santiago de Compostela|isbn= |páxina= 156|url=https://minerva.usc.es/xmlui/handle/10347/14740}}</ref> e no Exército golpista co grao de [[alférez]], encargándose de labores represivos na provincia lucense, segundo acusacións posteriores da revista ''Interviú''. Logo participou intensamente na vida política do franquismo. Foi delegado provincial de educación popular da Falanxe de Lugo<ref>{{Cita libro |título= A editorial Galaxia: proxecto e traxectoria 1950-1963|nome= María Dolores|apelidos= Villanueva Gesteira|ligazónautor= |ano= 2015|editorial= USC|lugar= Santiago de Compostela|isbn= |páxina= 156|url=https://minerva.usc.es/xmlui/handle/10347/14740}}</ref>, subxefe provincia de [[FET y de las JONS]], [[procurador]] nas [[Cortes Xerais|Cortes]] en representación do denominado "Tercio familiar" pola [[provincia de Lugo]], durante a IX e a X Lexislatura; presidente da [[Deputación Provincial de Lugo]] entre 1949 e 1951; presidente da Cámara provincial Agraria desa provincia. Aínda foi vicedecano do [[Colexio de Avogados]] de Lugo; presidente da Comisión de Agricultura do [[Consello Económico e Sindical]] do Noroeste de [[España]] e conselleiro de [[FRIGSA]], [[Frigoríficos Industriales de Galicia, S.A.]]