Guitarra eléctrica: Diferenzas entre revisións

Está feito dunha ou varias pezas de madeira, e ten no seu interior unha barra de aceiro ou outro material moi resistente, chamada alma, para contrarrestar a tensión das cordas. Ademáis a alma conta cun parafuso nun dos seus extremos que permite axustar a curvatura do mastro. O mastro ou mango únese ao corpo pegado, que é a técnica tradicional, ou ben aparafusado, técnica popularizada polo constructor de guitarras Leo Fender. Actualmente para o pegado do mango empréganse colas sintéticas, pero tamén se seguen a empregar, xeralmente de forma artesana, colas naturais a base de coláxeno animal.

Un elemento fundamental no mastro dunha guitarra é a pestana, que consiste nunha pequena peza colocada entre o caravilleiro e o comezo do diapasón, no que se apoian as cordas. Ten uns surcos do tamaño das mesmas que permite que esténestas queden fixas na súa posición. Para fabricar este elemento, emprégase [[óso]] de forma tradicional sendo aínda hoxe o material máis utilizado, sen embargo nas últimas décadas apareceron elementos novidosos como o latón, o grafito ou outros materiais sintéticos de menor difusión.

Sobre o mango atópase o diapasón, que é onde se apoian os dedos ao tocar e sobre el se colocan as cordas de forma lonxitudinal. Xeralmente se empregan madeiras duras na súa fabricación, coma o [[ébano]] ou o pau rosa, aínda que ás veces o atopamos feito de [[pradairo]] ou incluso de outras madeiras.

Sobre o diapasón e en perpendicular ás cordas atópanse os trastes; pequenas barras metálicas de diversas aleacións que entran en contacto coa corda ao apoiar nela os dedos. A súa función é acortar a parte da corda que entra en vibración para poder afinar as diferentes notas de forma precisa.