Ría de Ferrol: Diferenzas entre revisións

 

== Historia ==

Existen referencias históricas de asentamentos romanos, normandos e da [[Baixa Idade Media]], todos eles vencellados ao comercio e as actividades navais, militares e pesqueiras que decaen a partir da [[Alta Idade Media]].

 

Durante a dinastía dos Austrias utilizouse a ría como base non permanente das Armadas, o que supuxo a construción das primeiras fortificacións. A chegada dos [[Casa de Borbón en España|Borbóns]] á Coroa de España trouxo trocos substanciais na política naval decidindo localizar na ría ferrolá o ''Arsenal del Norte'', por ser un porto natural e idóneo desde o punto de vista táctico e defensivo.

 

O porto da ría de Ferrol ata ben entrado o [[século XIX]] tivo un carácter totalmente castrense, con escasas referencias ó pequeno peirao situado no barrio de Ferrol Vello. Un novo porto, desvencellado da actividade militar, estaba condicionado pola situación do ''Arsenal'' e o recinto amurallado defensivo da praza. Elixiuse o emprazamento anexo ó ''Arsenal'' cara ó oeste, sendo os primeiros estudos de [[1856]], a partir dos cales se realizou un pequeno dique do que arrancaba un espigón de 200 metros, construíndose o Peirao Sur e unha pequena dársena.

O [[24 de agosto]] de [[1910]] creouse, por Real Decreto, a Xunta de Obras do Porto de Ferrol e a partir do ano seguinte procedeuse a ampliar a infraestrutura existente realizándose as obras de dragado e ampliación da dársena co Peirao de Curuxeiras e o adiantamento dos Cantís. No ano [[1918]] redactouse un anteproxecto que fixaba as liñas a seguir en futuras ampliacións, actuacións que se desenvolveron en [[1944]], cun importante salto cuantitativo, creando o Peirao de Ribeira (hoxe, Fenández Ladreda), que non se rematou ata [[1960]], apoiándose no Peirao Sur anterior e establecendo os accesos ferroviarios ó Porto e ó ''Arsenal''.

 

Entre [[1949]] e [[1959]] construíronse os peiraos que conforman a Dársena de Curuxeiras (Espigón e Pasaxeiros da Ria). En [[1968]], no contexto da especialización de Astano na construción de ''super-petroleiros'', tivo lugar a inauguración da [[Ponte das Pías]], tamén denominada como ''A Ponte do Caudillo'', título honorífico do Ditador. A ponte recortaba en 8 quilómetros o acceso á cidade desde o sur, e aseguraba a súa conexión directa co estaleiro [[Astano]].

A partir de [[1984]] iníciase a última fase de expansión para obter maiores calados, máis lonxitude dos atraques e superficies de depósitos máis grandes. Constrúense o Novo Peirao, con 14 metros de calado, base para desenvolvementos posteriores.

 

 

== Explotación da ría ==

Existen referencias da construción naval en 1344 en Neda dun buque armado. En 1726 Felipe V nunha Real Orde funda o arsenal da Graña. Cinco anos despois alí constrúese o buque Galicia de 70 canóns<ref>[http://www.diariodeferrol.com/opinion/j-m-fernandez-caamano/construccion-naval-ferrol/20150729003739130354.html La construcción naval en Ferrol. diariodeferrol.com J. M. Fernández Caamaño] {{es}}</ref>.

Ademais dos usos como porto natural protexido na ría hai estaleiros e infraestruturas navais civís e militares. Existe unha planta de gas en [[Mugardos]], [[REGANOSA]], prepiedade do grupo Tojeiro que ten máis instalacións xunto a ela como un porto para produtos químicos e forestais. Na entrada da ría de Ferrol hai unha piscifactoría e bateas para o cultivo de moluscos. O uso da ría para actividades de lecer inclúe escolas de vela, remo e piragüismo en varios concellos.

== Galería de imaxes ==

{{Artigo principal|Galería de imaxes da ría de Ferrol}}

 

== Notas ==