O tamaño e o número de [[cromosoma]]s teñen gran importancia na [[sistemática]] das Gramíneas. Hai dous tipos cromosómicos extremos: o tipo ''festucoide'' caracterizado por presentar cromosomas grandes e número básico predominantemente x=7 e o tipo ''panicoide'' con cromosomas pequenos e números básicos predominantes x=9 e x=10. O tipo festucoide atópase en case todas as tribos da subfamilia Festucoideae (sen.: [[Pooideae]]), con algunhas excepcións. Por exemplo, a tribo [[Stipeae]] desta subfamilia posúe cromosomas pequenos e números básicos x=9, 10, 11, 12, 14, 16 e 17. Os restantes subfamilias das gramíneas presentan o tipo cromosómico panicoide, con cromosomas pequenos e predominio do número básico x=9 e 10. Nas Bambusóideas, [[Ehrhartoideae|ehrhartóideas]] e [[Arundinoideae|arundinóideas]] os cromosomas son pequenos e o número básico é x=12. Na subfamilia [[Danthonioideae]] preséntanse cromosomas de tamaño intermedio e número básico x=6 e 7. A subfamilia [[Chloridoideae]] presenta cromosomas pequenos e varios números básicos, x=7, 8, 9, 10, 11, 12 e 14. As Panicóideas sempre teñen cromosomas pequenos, con números básicos x=9 ou x=10, aínda que existen especies con outros números básicos, que varían desde x=4 a x=19.<ref name="Cabrera"/>
