[[Ficheiro:Cytochrome C.png|miniatura|dereita|Estrutura tridimensional do citocromo ''c'' (verde) cunha molécula de hemo (gris) que coordina un átomo central de ferro (laranxa).]]
O '''citocromo ''c''''' (cyt ''c'') é unha pequena [[hemoproteína]] que se encontra feblemente asociada coa [[membrana mitocondrial interna]]. Pertence á [[familia do citocormo c]] de proteínas. O citocromo c é unha proteína moi soluble, o que a diferenciadiferenza doutros [[citocromo]]s, xa que ten unha solubilidade duns 100 g/L. É un compoñente esencial da [[cadea de transporte de electróns]], na cal transporta un electrón. Pode sufrir oxidación ou redución ao transferir electróns, pero non se une ao oxíxeno. Transfire electróns entre os [[complexo III|Complexos III]] (coencima Q-citocromo c redutase) e [[citocromo c oxidase|IV]] (citocromo c oxidase) da cadea respiratoria. Nos humanos, o citocromo c está codificado polo [[xene]] ''CYCS'' do [[cromosoma 7]].<ref name="entrez">{{cite web | title = Entrez Gene: cytochrome c| url = http://www.ncbi.nlm.nih.gov/sites/entrez?Db=gene&Cmd=ShowDetailView&TermToSearch=54205| accessdate = }}</ref><ref name="pmid11790791">{{Cita publicación periódica | author = Tafani M, Karpinich NO, Hurster KA, Pastorino JG, Schneider T, Russo MA, Farber JL | title = Cytochrome c release upon Fas receptor activation depends on translocation of full-length bid and the induction of the mitochondrial permeability transition | journal = J. Biol. Chem. | volume = 277 | issue = 12 | pages = 10073–82 |date=March 2002 | pmid = 11790791 | doi = 10.1074/jbc.M111350200 | url =}}</ref><ref>[[OMIM]] Cytochrome c, somatic; CYCS [http://omim.org/entry/123970]</ref>
