Douglas Sirk: Diferenzas entre revisións

Tras triunfar no teatro alemán na década de 1920, uniuse á [[UFA]] en 1934, comezando unha exitosa carreira en curtametraxes e comedias musicais. Abandonou Alemaña en 1937 polas súas ideas políticas e porque a súa segunda esposa, a actriz Hilde Jary, era xudía. Tras traballar en varios países europeos chegou aos [[Estados Unidos de América|Estados Unidos]], conseguindo en 1942 un contrato con [[Columbia Pictures]], xa co nome artístico de Douglas Sirk.

Cando acabou a [[Segunda Guerra Mundial]] volveu brevemente ao seu país, pero de novo nos Estados Unidos estableceu unha gran reputación cos coloridos melodramas que dirixiu para [[Universal Studios]] entre 1952 e 1959. A pesar do éxito obtido con ''[[Imitation of Life (filme de 1959)|Imitation of Life]]'' (axudado polo escándalo provocado co asasinato do noivo de [[Lana Turner]]) deixou o país e a dirección.