Nixeria: Diferenzas entre revisións

Nixeria localízase no [[Golfo da Guinea]]. As principais cidades sitúanse nas terras baixas do sur. A parte central do país componse de outeiros e planaltos. O norte consiste de terras baixas áridas. Os países limítrofes son o [[Benin]], o [[Níxer]], o [[Chad]] e mailo [[Camerún]]. As zonas boscosas atópanse principalmente no terzo sur do país, que se ve afectado por chuvias estacionais oriúndas do [[océano Atlántico]] entre xuño e setembro. Á medida que se segue cara o norte, o país vaise tornando máis seco e a vexetación máis semellante á da [[sabana]]. O terzo norte do país inclúese na rexión semiárida do [[Deserto do Sahel|Sahel]], que marca o límite sur do deserto do [[Sahara]]. Nixeria está dividida en tres polos ríos Níxer e [[Río Benue|Benue]], que chegan ao país vidos de nordeste e noroeste e xúntanse máis ou menos no centro, preto da nova capital, Abuja. De aí, o [[río Níxer]] acrecentado con auga do Benue flúe cara ao sur ata desaugar no mar nun gran delta.