Diario de Operaciones del Sexto Cuerpo del Ejército: Diferenzas entre revisións

Deste xeito, a capital provincial converteuse na terceira cidade de [[Galicia]] que viu saír un periódico, despois de [[Santiago de Compostela]]<ref>[[El Catón Compostelano]], de 1800, foi o primeiro desta cidade e de Galicia.</ref> e [[A Coruña]]<ref>O primeiro foi [[Diario de La Coruña (1808)|Diario de La Coruña]], de 1808.</ref>.

 

O ''Diario de Operaciones...'' era un periódico de [[guerra]]. Foi editado polo Sexto Corpo do [[Exército]] [[España|español]], que se instalou en Lugo durante a [[Guerra da Independencia española|Guerra de Independencia]]. Facíase nunha [[imprenta]] portátil que levaba consigo o cuartel xeral deste corpo militar.

 

As información castrenses eran o principal elemento da publicación, pero non o único. Así, mentres se daba conta da evolución da campaña, tamén se inserían outras noticias. Publicábanse, por exemplo, bandos, destinados á poboación en xeral. E as informacións bélicas non se referían só á actividade do sexto corpo, senón á doutras compañías.

 

 

Cesou de publicarse cando o sexto corpo do exército abandonou Lugo.

 

As referencias ao ''Diario de Operaciones...'' baséanse en documentación de terceiros. A diferenza dos seus predecesores de Santiago e A Coruña, non parece que queden exemplares da publicación en Galicia. Este aspecto dificulta que os historiadores poidan datalo de xeito preciso. Sábese que o primeiro número é de maio de 1811, aínda que non o día exacto. O número nove é do [[21 de xullo]] de ese ano, o que desminte a teoría de [[Manuel Soto Freire]]<ref>Véxase a Bibliografía.</ref> de que apareceu en [[1812]].

 

O nome de ''Diario de Operaciones del Sexto Cuerpo del Ejército'' é o asumido pola meirande parte dos historiadores, aínda que hai outros que dan outros nomes: ''Boletín del Sexto Cuerpo del Ejército'', ''Estado Mayor. Sexto Ejército. Resultado de las Operaciones de este Ejército'' ou ''Cuerpo de Operaciones''. Con todo, semella que estes outros títulos son ou partes da publicación ou nomes que levou nalgún número solto.

 

<references />

 

 

[[Categoría:Medios de comunicación de Galicia]]