Praia de Río Sieira: Diferenzas entre revisións

A '''praia de Río Sieira''' é un grande areal situado no concello de [[Porto do Son]], na parroquia de [[Xuño, Porto do Son|Xuño]], lugar da [[A Coviña, Xuño, Porto do Son|Coviña]].

Trátase dunha praia de ámbito virxe de case 1  km de longo e uns 28 m de anchura, na desembocadura do [[río Sieira]], ao que se debe o seu outro nome, de '''Boca do Río'''.

É unha praia illada, sen paseo marítimo, principalmente composta por [[rocha]]s e [[area]] fina, branca e dourada.

Ao estar formada na desembocadura do río Sieira, provocou a aparición dun sistema lagunar que permite bañarse tamén en auga doce e moito máis tranquila que a da praia propiamente dita.

Hai unha parada de autobús interurbano a 200 m da praia. Tamén pode accederse en coche, xa que hai aparcadoiro, non vixiado, nas proximidades da praia.