Estadio de los Juegos Mediterráneos: Diferenzas entre revisións

O '''Estadio de los Juegos Mediterráneos''', coñecido popularmente como '''Estadio Mediterráneo''', foi a instalación deportiva máis coñecida dos [[Xogos Mediterráneos|XV Xogos Mediterráneos Almería 2005]] celebrados en [[Almería]], no verán de [[2005]]. É un estadio moderno, dunha capacidade de 22.000 espectadores, onde actualmente disputa os seus partidos o club de fútbol máis importante da cidade, a [[Unión Deportiva Almería]].

A [[UD Almería]] dispón de varias instalacións deportivas para o seu uso, tanto para adestrar como para disputar os seus partidos oficiais. O principal punto de referencia neste sentido é o Estadio dos Xogos Mediterráneos, unha instalación moderna e funcional, que conta con todas as comodidades tanto para o propio equipo como para os afeccionados.

Cun investimento de 21 millóns de euros, realizada para os [[Xogos Mediterráneos de 2005|XV Xogos Mediterráneos Almería 2005]], o recinto é xestionado polo Concello. A [[UD Almería]] é o seu principal usuario e dispón do campo principal para adestramentos e partidos, así como do anexo, de idénticas características, para a preparación do conxunto branquivermello.

O Estadio dos Xogos Mediterráneos dispón dunha salga vip que dá acceso directo ao palco de autoridades, ademais doutros palcos destinados para empresas ou institucións. O aforamento inicialmente era de 15.000 espectadores, actualmente ampliado a 22.000 coa colocación de bancadas supletorias.

Á marxe diso, o Concello da cidade cede para os seus adestramentos ao Almería o [[Campo Municipal Juan Rojas]], onde ademais disputa os seus partidos oficiais o [[Unión Deportiva Almería B|Almería B]], que milita no grupo noveno de Terceira División. O club dispón, de igual forma, dun campo de fútbol na ''Vega de Acá'', de xestión propia e de propiedade Municipal, para os adestramentos.