Colonia, Alemaña: Diferenzas entre revisións

Só a torre do concello (1414) e a igrexa dos xesuítas foron as únicas construcións monumentais nos cinco séculos seguintes. O coro da catedral fora consagrado en 1322 pero pouco a pouco abandonáronse as obras e no 1560 suspendéronse definitivamente por razóns financeiras. Despois, durante trescentos anos, as grúas sobre a estrutura foron o símbolo visible do estancamento da cidade. A puxanza comercial crecente dos [[Países Baixos]] na foz do Rin e a paralela perda de relevancia da Liga Hanseática, ademais dos conflitos permanentes cos arcebispos desterrados e os protestantes labraron o estancamento económico de Colonia (non contares con corte na época do [[Humanismo renacentista|humanismo]] e [[absolutismo]] privou de [[renacemento]] e [[barroco]] destacables á cidade). A [[Guerra dos Trinta Anos]] (1618-48) puxo a puntilla ó declive.