Val de Xálima: Diferenzas entre revisións

O '''Val de Xálima''', coñecido tamén como '''Val do río Ellas''' ou '''Val dos Tres Lugares''' (na [[Fala de Estremadura|fala]] ''Vali de Xálima'', ''Vali do riu Ellas'' ou ''Os Tres Lugaris'' e en [[lingua castelá|español]] e oficialmente '''Valle de Jálama'''), é unha rexión da [[provincia de Cáceres]] en [[Estremadura]], situada na fronteira con [[Portugal]] e [[Provincia de Salamanca|Salamanca]]. Nela consérvase e utilízase a [[Fala de Estremadura]], considerada unha variante do [[lingua galega|galego]], se ben non ten calidade de lingua oficial. Comprende os concellos de [[San Martiño de Trebello]], [[As Ellas]] e [[Valverde do Fresno]].

 

Está situado a unha altitude media de 500 [[msnm]], e está presidido polo monte Xálima, de 1.492 m de altitude, onde nacen numerosos regueiros que forman o [[río Ellas]], que travesa todo o val, sendo o afluente do [[río Texo]] que constitúe unha fronteira natural entre [[España]] e [[Portugal]]. O seu curso é duns 50 km aproximadamente. O val está protexido por abruptas formacións montañosas de entre 1.200 e 1.500 m que o separan de [[Castela e León]]; ao sueste outra serra de entre 700 e 900 m sepáraa do resto de [[Estremadura]], e polo oeste ábrese a [[Portugal]]. É, por tanto, unha cunca natural perfectamente delimitada e apartada dos territorios de fala [[Lingua castelá|castelá]] e [[Lingua estremeña|estremeña]] polas dificultades orográficas, que permitiu conservar a [[Fala de Estremadura]], e outras características de toponimia, arquitectura e gastronomía de orixe [[Galicia|galaico]]-[[Portugal|portuguesa]].

 

 

== Véxase tamén ==