Manuel Espiña Gamallo: Diferenzas entre revisións

Despois de realizar os seus primeiros estudos en Folgoso (Cerdedo) e Presqueiras ([[Forcarei]]) cun profesor particular, ingresou en [[1945]] no Seminario de [[San Martiño Pinario]] de [[Santiago de Compostela]], onde estudou [[Humanidades]].<ref name=GEG>Antonio Rodríguez Fraiz (1974): ''Espiña Gamallo, Manuel'' na ''[[Gran Enciclopedia Gallega]]''.</ref> <ref name=G>[http://www.galegos.info/gl/manuel-espina-gamallo Manuel Espiña Gamallo] en Galegos.</ref>

A partir de [[1951]] cursou as licenciaturas en [[Filosofía]] e [[Teoloxía]] na [[Universidade Pontificia Comillas]] ([[Santander]]), ordenándose alí sacerdote en marzo de [[1959]].<ref name=GEG/> <ref name=G/> Foi en Comillas onde comeza a formarse a súa conciencia galeguista, como lle ocorreu a tantos outros; alí coincidiu con [[Carlos Baliñas Fernández]], o [[Jesús Silva Méndez|Padre Silva]] e [[Xosé Morente Torres|Morente Torres]], entre outros. <ref name=GC>[http://bvg.udc.es/paxina.jsp?id_obra=Gaecr%22Df1&id_edicion=Gaecr%22Df1002&formato=texto&pagina=10&cabecera=&maxpagina=11&minpagina=1 Galegos e cristiáns]. "Deus fratresque Gallaeciae". BVG.</ref>

Na cidade herculina remata a tradución dos Evanxeos coa colaboración de Morente Torres, publicándose en [[1966]] co título A Palabra de Deus, editada por [[SEPT]] (foi o primeiro libro desta editorial, que se creara ese mesmo ano). O ano seguinte é Espiña quen oficia na nosa lingua a misa de Rosalía en [[San Domingos de Bonaval]] e no que comeza, tamén con Morente, unha misa en galego aos domingos nas Capuchinas da Coruña. Porén, non consegue o permiso de [[Manuel Fraga Iribarne|Fraga]], daquela ministro de Información e Turismo, para poder retransmitir a misa en galego pola radio. <ref name=GC/>

En [[1968]] recibe con Morente o [[Pedrón de Ouro]] polo seu labor a prol da galeguización da liturxia; un camiño demasiado lento pola eterna resposta do ''supersedeatur'', co que [[Vaticano|Roma]] contestaba unha e outra vez, a pesar da insistencia do cardeal Quiroga (foi a comezos do 1969 cando se acadou a aprobación oficial). No mesmo ano 1968 edítase o ''Misal Galego dos Fieis'', obra de novo do tándem Espiña-Morente, coa colaboración de [[Vidán Torreira]], [[Isaac Alonso Estraviz|Alonso Estravís]] e [[Ventura Cores Trasmonte]].<ref name=GEG/> <ref name=GC/>