[[Ficheiro:insertion-genetics.png|miniatura|300px|Ilustración dunha inserción a nivel cromosómico.]]
En [[xenética]], unha '''inserción''' (tamén chamada '''mutación de inserción''') é a adición dun ou máis [[par de bases|pares de bases]] de [[nucleótido]]s nunha [[secuencia de ADN|secuencia]] de [[ADN]]. Isto adoita ocorrer en rexións [[Microsatélite (xenética)|microsatélite]] debido ao volteo do polímero de [[ADN]]. As insercións poden ser moi diversas en tamaño, desde un par de bases incorrectamente inserido nunha secuencia de ADN a unha sección ampla dun [[cromosoma]] inserida noutro cromosoma. O escorregamento (''slippage'') de febras do ADN é un mecanismo estrutural por medio do cal se introducen as mutacións de inserción–deleción ([[indel]]) durante a replicación polas [[ADN polimerase]]s.<ref>Banavali, Nilesh K. [http://pubs.acs.org/doi/abs/10.1021/ja401573j "Partial base flipping is sufficient for strand slippage near DNA duplex termini."] Journal of the American Chemical Society, 2013, 135(22), 8274-8282.</ref> A nivel cromosómico, unha ''inserción'' consiste na inclusión dunha secuencia grande de ADN dentro dun cromosoma. Isto pode acontecer debido a un [[sobrecruzamento]] desigual durante a [[meiose]].
Unha '''adición de rexión N''' é a adición de nucleótidos non codificados durante a [[recombinación xenética]] por unha [[desoxinucleotidil transferase terminal]].
