Salmos: Diferenzas entre revisións

Nas [[vésperas]] e nos [[maitínsmatinas]] lense diferentes cacismata en diferentes datas do ano litúrxico e variando cada día da semana, segundo o calendario da Igrexa, de tal xeito que todos os 150 Salmos (20 cacismata) se len no transcurso dunha semana. no século XX, algúns cristiáns laicos adoptaron a lectura continua dos Salmos os días de semana (de luns a venres), salmodiando o libro enteiro en catro semanas, tres veces ao día, un cacisma cada día.

Á parte das lecturas dos cacismata, os Salmos ocupan un lugar prominente nos outros servizos ortodoxos incluíndo os [[Horas canónicas|servizos das Horas]] e a [[liturxia divina]]. En particular, o [[Salmo 51|Salmo 50]] penitencial é amplamente usado. Úsanse fragmentos e versos individuais dos Salmos como [[Proquimenon|proquimena]] (introducións ás lecturas das Escrituras), e [[Stighera]]. O groso das [[vésperas]] seguiría estando composto de Salmos aínda que os cacismata fosen obviados; o [[Salmo 119|Salmo 118]], "o Salmo da [[Halagha|lei]]," é a peza central dos [[maitínsmatinas]] dos sábados, algúns domingos e en servizos [[Funeral|funerarios]]. O libro dos Salmos é lido an voz alta ou cantado, tradicionalmente, ao lado dos finados durante os momentos que levan ao soterramento, como na tradición xudía.

Os Salmos sempre foron parte da [[liturxia]] [[Igrexa Católica|católica]]. A [[Liturxia das Horas]] (horas canónicas) está centrada no canto ou recitación dos Salmos, usando fórmulas melódicas fixadas coñecidas como [[tons de recitación]]. Os primeiros católicos usaban os Salmos amplamente nas súas oracións individuais, aínda así, ao tempo que o coñecemento do latín (a lingua do [[rito latino]]) minguaba, esta práctica cesaba entre os analfabetos. Con todo, ata a fin da Idade Media sábese que o pobo laico cantaba no Pequeno Oficio da Benaventurada Virxe María, que era unha versión acortada da [[Liturxia das Horas]] que proporcionaba un ciclo diario fixo de vinte e cinco Salmos para ser recitados e outros nove divididos en maitínsmatinas.