Fenómeno: Diferenzas entre revisións

== Fenómeno en filosofía ==

 

 

O termo '''fenómeno''' ten un sentido especial na [[filosofía]] de [[Immanuel Kant|Kant]], ao poñer en contraposición o concepto de fenómeno co de [[nóumeno]]. Os fenómenos constitúen o mundo tal como o percibimos, en oposición ao mundo tal como existe independentemente da nosa experiencia, ao que Kant chama "a cousa en si mesma" (''Das Ding an sich''). Segundo Kant, o ser humano non pode coñecer as cousas-en-si-mesmas, senón só as cousas tal como as percibe ou experimenta.<ref>O termo "filosofía" na época de Kant sería hoxe o equivalente aproximado do que chamamos "ciencia".</ref> Polo tanto, a tarefa da filosofía consiste en tratar de comprender o propio proceso da experiencia.