Arminio: Diferenzas entre revisións

No ano [[15]], Xermánico outra vez atacou os asentamentos xermanos e capturou á esposa de Arminio [[Thusnelda]], que foi entregada aos romanos polo seu propio pai [[Sexestes]] como un acto de vinganza contra Arminio. Sexestes prometeuna como esposa a outro home, pero Thusnelda escapou con Arminio e casou con el logo da vitoria da [[batalla do bosque de Teutoburgo|fraga de Teutoburgo]]. Sexestes e o seu clan eran clientes dos romanos e oporíanse á política liberadora de Arminio (o mesmo que fixo o irmán de Arminio, Flavo.

Thusnelda foi levada a Roma, exhibida no desfile da vitoria de Xermánico en [[18]], nunca volveu ver a súa terra nin a súa familia, e desapareceu da historia. [[Tumélico]], o fillo de Arminio que tivo en cativerio, foi adestrado como [[gladiador]] en [[Rávena]] e morreu antes dos 30 anos de idade nun encontro de gladiadores.

Unha vez que Roma se retirou detrás do [[río Rin|Rin]], unha guerra rompeu a alianza entre Arminio e [[Marbod]], o rei dos [[marcomanos]] ''(marcomanni)'' na moderna [[Bohemia]], o outro líder importante da época. Repetidamente Arminio tratara de formar unha alianza sólida contra os romanos (mesmo lle enviou a cabeza de Varo logo da vitoria de Teutoburgo), pero Marbod non quería actuar como un soporte de Arminio.